Hjnews.in | Daily Telugu News Channel In Hanuman Junction
Image default
ఆంధ్రప్రదేశ్సినిమా వార్తలు

ఖుషి ట్రైలర్.. ప్రేమ, పెళ్లి, గొడవలు.. శివ నిర్వాణ మ్యాజిక్

98 Views

ఇప్పటికే ఖుషి రిలీజ్ చేసిన పాటలు ఎంతగా వైరల్ అయ్యాయో అందరికీ తెలిసిందే. నా రోజా నువ్వే, ఆరాధ్య, ఖుషి టైటిల్ సాంగ్స్ యూట్యూబ్‌లో చార్ట్ బస్టర్లుగా నిలిచాయి. ఖుషి ట్రైలర్ దెబ్బకు సినిమా మీద అంచనాలు మరింతగా పెరిగాయి. మరి ఖుషి మీద ఇప్పటి వరకు ఉన్న పాజిటివ్ బజ్ మరింతగా పెరగడంతో బిజినెస్ కూడా భారీ రేంజ్‌లో జరిగేట్టు కనిపిస్తోంది.

ఈ ట్రైలర్.. దీనమ్మ కాశ్మీర్. సేమ్ రోజా సినిమాలానే ఉంది.. అంటూ విజయ్ చెప్పిన డైలాగ్‌తో ట్రైలర్ అద్భుతంగా ఓపెన్ చేశారు. ఇక హిందీ, తెలుగు మిక్స్ చేస్తూ విజయ్ చేసిన కామెడీ ట్రైలర్‌కు హైలెట్ అయింది. ఇక తాను బేగం కాదు.. బ్రాహ్మిణ్ అంటూ అసలు విషయాన్ని, అసలు చిక్కుని చూపించారు. ప్రేమ, పెళ్లి, గొడవల నేపథ్యంలో ఈ సినిమాను అద్భుతంగా మలిచాడు. రౌడీ హీరో, ది విజయ్ దేవరకొండ సమంత కాంబోలో శివ నిర్వాణ తెరకెక్కించిన చిత్రం ఖుషి. ఇప్పటికే సాంగ్స్‌తో సినిమా మీద హైప్ పెంచేశాడు మ్యూజిక్ డైరెక్టర్ హేషమ్ అబ్దుల్ వాహబ్. తాజాగా ట్రైలర్‌ను రిలీజ్ చేసి మరింత బజ్ క్రియేట్ చేశారు. ఈ సినిమా వచ్చే నెల ఒకటో తేదీని రిలీజ్ కాబోతోన్న సంగతి తెలిసిందే. అందుకే ప్రమోషన్స్‌లో భాగంగా నేడు సినిమా ట్రైలర్ విడుదల చేశారు. ఈ నెల చివరి వారంలో ప్రీ రిలీజ్ ఈవెంట్‌ను నిర్వహించబోతోన్నారు. ఈ మధ్యలోనే మళ్లీ స్పెషల్ ఈవెంట్‌ను కూడా ప్లాన్ చేస్తారని టాక్. ప్రస్తుతం ఖుషి ట్రైలర్ అయితే సోషల్ మీడియాలో సందడి చేస్తోంది. సమంత విజయ్ దేవరకొండ కలిసి నటించిన ఖుషి సినిమా నుంచి అప్డేట్ వచ్చింది. కాసేపటి క్రితమే ఈ సినిమా నుంచి ట్రైలర్‌ను మేకర్లు విడుదల చేశారు. విజయ్, సమంతల కెమిస్ట్రీతో ఈ మూవీ మీద మరింత హైప్ పెరిగింది

.ఇక పెళ్లి తరువాత భార్యాభర్తల మీద వచ్చే చిన్న చిన్న గొడవలు, ఎమోషన్స్ చుట్టూ శివ నిర్వాణ తన కథను తీసుకెళ్లాడు. ఇక ఈ ట్రైలర్ చూస్తుంటే మాత్రం కంప్లీట్ ఫ్యామిలీ ఎంటర్టైనర్ అని అర్థం అవుతోంది. పెళ్లంటేనే చావురా అని రాహుల్ రామకృష్ణ చెప్పిన డైలాగ్, భర్త అంటే ఎలా ఉండాలో ఈ సమాజానికి చెబుతున్నా అని విజయ్ చెప్పే డైలాగ్స్ బాగున్నాయి.

సమంతకు శాకుంతలం వంటి డిజాస్టర్ తరువాత రాబోతోన్న చిత్రమిది. విజయ్ దేవరకొండ లైగర్ సినిమాతో దెబ్బ తిని ఉన్నాడు. శివ నిర్వాణ అయితే టక్ జగదీష్ వంటి దారుణమైన సినిమాతో వెనుకబడి ఉన్నాడు. ఇలా ఈ ముగ్గురూ కూడా ఖుషి సినిమాతో కమ్ బ్యాక్ అవ్వాలని ప్రయత్నిస్తున్నారు. మరి ఈ ఖుషి సినిమా ఈ ముగ్గురికి విజయాన్ని అందిస్తుందా? లేదా? అన్నది చూడాలి.

Related posts

‘బ్రో’ మూవీలో ఏపీ మంత్రి డాన్స్‌తో పాటు సీఎం పై పవన్ కళ్యాణ్ సెటైర్స్.. వైరల్ అవుతున్న వీడియో..

HJNEWS

తమన్ బాబు.. అంతొద్దు.. కాస్త తగ్గు తగ్గు!

HJNEWS

విజయవాడ: కొంపముంచిన వాట్సాప్ లింక్.. రూ.4.83 లక్షలు పోగొట్టుకున్నాడు, చిన్న తప్పుతో!

HJNEWS

Leave a Comment

హోమ్
ఆంధ్రప్రదేశ్
లోకల్ యాడ్స్
యాడ్ పోస్ట్