Hjnews.in | Daily Telugu News Channel In Hanuman Junction
Image default
రాజకీయంసినిమా వార్తలు

మొరగని కుక్క లేదు.. విమర్శించని నోరు లేదు.. రజనీకాంత్ వీడియో వైరల్

79 Views

‘జైలర్’ (Jailer) ప్రీ రిలీజ్ ఈవెంట్‌లో సూపర్ స్టార్ రజనీకాంత్ (Rajinikanth) మాట్లాడిన మాటలు ఇప్పుడు సోషల్ మీడియాలో వైరల్ అవుతున్నాయి. ఇది వైఎస్సార్‌సీపీ (YSRCP) నాయకులను ఉద్దేశించే రజనీకాంత్ అన్నట్టు ప్రచారం జరుగుతోంది. దీంతో ఈ వీడియోను సోషల్ మీడియాలో తెగ షేర్ చేస్తున్నారు..

సూపర్ స్టార్ రజనీకాంత్ (Rajinikanth) బయట ఎంత కూల్‌గా కనిపిస్తారో అందరికీ తెలిసిందే. అందరినీ నవ్వుతూ పలకరిస్తారాయన. అలాంటి రజనీకాంత్‌కు కోపం వచ్చింది. వేలాది మందితో నిండిపోయిన స్టేడియంలో వేదికపై మాట్లాడుతూ శత్రువుల మీద మాటల తూటాలు పేల్చారు తలైవా. వారం రోజుల క్రితం చెన్నైలో జరిగిన ‘జైలర్’ ఆడియో లాంచ్ ఈవెంట్‌లో రజనీకాంత్ మాట్లాడిన ఈ మాటలు ఇప్పుడు సోషల్ మీడియాను ఊపేస్తున్నాయి.

ట్విట్టర్‌లో ట్రెండ్ అవుతోన్న ఈ వీడియోలో రజనీకాంత్ తమిళంలో మాట్లాడారు. ‘మొరగని కుక్కలేదు. విమర్శించని నోరు లేదు. ఈ రెండూ జరగని ఊరే లేదు. మనం మన పని చూసుకుంటూ పోతూనే ఉండాలి’.. ఇదంతా తమిళంలో చెప్పిన రజనీకాంత్, ఆఖరిలో ‘అర్థమైందా రాజా?’ అని మాత్రం తెలుగులో చెప్పారు. అయితే, ఇది వైఎస్సార్‌సీపీ నాయకులను ఉద్దేశించే రజనీకాంత్ అన్నారని సోషల్ మీడియాలో ప్రచారం జరుగుతోంది. వాళ్లకే ఆయన కౌంటర్ ఇచ్చారంటున్నారు.

ఈ ఏడాది ఏప్రిల్‌లో విజయవాడలో జరిగిన ఎన్టీఆర్ శతజయంతి ఉత్సవాల్లో రజనీకాంత్ పాల్గొన్న విషయం తెలిసిందే. ఈ కార్యక్రమంలో రజనీకాంత్ మాట్లాడుతూ తెలుగుదేశం పార్టీ అధినేత చంద్రబాబు నాయుడుపై ప్రశంసల వర్షం కురిపించారు. హైదరాబాద్ ప్రపంచ స్థాయిలో గుర్తింపు పొందడానికి కారణం చంద్రబాబు అని అన్నారు. అయితే, చంద్రబాబును రజనీకాంత్ ప్రశంసించడాన్ని వైసీపీ నాయకులు కొందరు తప్పుబట్టారు. గుడివాడ ఎమ్మెల్యే కొడాలి నాని అయితే రజనీకాంత్‌ను నానా మాటలు అన్నారు. తిట్టారు.

ఇప్పుడు రజనీకాంత్.. వైసీపీ నాయకులకే కౌంటర్ ఇచ్చారని, వాళ్లను కుక్కలతో పోల్చారని సోషల్ మీడియాలో కామెంట్లు పెడుతున్నారు. ముఖ్యంగా టీడీపీ, జనసేన మద్దతుదారులు ఈ వీడియోను సోషల్ మీడియాలో విపరీతంగా షేర్ చేస్తున్నారు.

మరోవైపు, మెగాస్టార్ చిరంజీవి సైతం నిన్న జరిగిన వాల్తేరు వీరయ్య 200 రోజుల విజయోత్సవ వేడుకలో మాట్లాడుతూ వైసీపీ ప్రభుత్వానికి కొన్ని సూచనలు చేశారు. పిచ్చుక మీద బ్రహ్మాస్త్రం మాదిరిగా ఏపీ మంత్రులు, ప్రభుత్వం సినిమా ఇండస్ట్రీ మీద పడకుండా రాష్ట్రంలో ఉన్న సమస్యల మీద మాట్లాడాలని సూచించారు. దీంతో చిరంజీవి మీద సైతం ఇప్పుడు వైఎస్సార్‌సీపీ ఎమ్మెల్యేలు, మంత్రులు ఎదురుదాడికి దిగారు. ప్రభుత్వానికి సూచనలు చేసే ముందు ఆయన తమ్ముడు పవన్ కళ్యాణ్‌కు చిరంజీవి హితభోద చేయాలని సూచిస్తున్నారు. ఈ నేపథ్యంలో చిరంజీవి అభిమానులు సైతం రజనీకాంత్ వ్యాఖ్యలను ఎంజాయ్ చేస్తున్నారు. రజనీకాంత్ కౌంటర్ అదిరిపోయిందని కామెంట్లు పెడుతున్నారు. కాగా, ‘జైలర్’ మూవీ ఈనెల 10న ఐదు భాషల్లో ప్రేక్షకుల ముందుకు వస్తోంది.

Related posts

ఏమాత్రం వన్నె తగ్గని త్రిష.. రోడ్డుపై శ్రీలీల డ్యాన్స్.. బ్రో బ్యూటీ ట్రీట్

HJNEWS

అక్రమ ఆస్తులు, దోపిడీపై సమాచారం ఇచ్చేవారికి గిఫ్ట్.. పవన్ కళ్యాణ్ కీలక ప్రకటన

HJNEWS

ఈ నెల 16 నుంచి భట్టి పాదయాత్ర

HJNEWS

Leave a Comment

హోమ్
ఆంధ్రప్రదేశ్
లోకల్ యాడ్స్
యాడ్ పోస్ట్