Hjnews.in | Daily Telugu News Channel In Hanuman Junction
Image default
ఆంధ్రప్రదేశ్రాజకీయం

చిరంజీవి, రంగా ఫ్యాన్స్ ఓట్లతో కొడాలి నాని గెలిచారు.. 2024లో బుద్ధి చెబుతాం: మెగా ఫ్యాన్స్

48 Views

కొడాలి నానిపై భగ్గుమనన్ చిరంజీవి అభిమానులు. గుడివాడలో ర్యాలీ చేశారు.. పోలీసులు అడ్డుకోవడంతో తీవ్ర ఉద్రిక్త పరిస్థితులు కనిపించాయి. ఈ క్రమంలో పోలీసులు, ఫ్యాన్స్ మధ్య వాగ్వాదం జరిగింది. పోలీసులు పలువుర్ని అరెస్ట్ చేసి స్టేష్‌కు తరలించారు. కొందరు అభిమానులు రోడ్డుపై పడుకుని నిరసనకు దిగారు.. కొడాలి నాని చిరంజీవికి క్షమాపణలు చెప్పాలని డిమాండ్ చేశారు. వంగవీటి రంగా విగ్రహానికి పాలాభిషేకం నిర్వహించారు అభిమానులు.

మాజీ మంత్రి కొడాలి నాని మెగాస్టార్ చిరంజీవిపై చేసిన వ్యాఖ్యలపై ఫ్యాన్స్ భగ్గుమన్నారు. కృష్ణా జిల్లా గుడివాడలో ఆందోళన చేపట్టారు.. దీంతో ఉద్రిక్తత ఏర్పడింది. చిరంజీవిపై కొడాలి నాని చేసిన వ్యాఖ్యలను నిరసిస్తూ పట్టణంలో ర్యాలీ చేశారు. చిరంజీవికి కొడాలి నాని క్షమాపణ చెప్పాలని డిమాండ్ చేశారు. వెంటనే పోలీసులు చిరంజీవి అభిమానుల ర్యాలీని అడ్డుకున్నారు. ఈ క్రమంలో పోలీసులకు, చిరంజీవి అభిమానులకు మధ్య తోపులాట, వాగ్వాదం జరిగింది. చిరంజీవి యువత అధ్యక్షుడు కందుల రవితో పాటు పలువురు అభిమానుల్ని అరెస్ట్ చేశారు.

దీంతో చిరంజీవి అభిమానులు పోలీసు వాహనాలకు అడ్డంగా పడుకున్నారు. కొద్దిసేపు చిరంజీవి అభిమానులను పోలీసులు నియంత్రించలేకపోయారు. ఆ తర్వాత గుడివాడ ఏజీకే స్కూల్ సెంటర్లో విజయవాడ హైవేపై మెగా ఫ్యాన్స్ బైఠాయించి.. జై చిరంజీవ.. కొడాలి నాని డౌన్‌డౌన్‌ అంటూ నినాదాలు చేశారు. అనంతరం వంగవీటి మోహన రంగా విగ్రహానికి పాలాభిషేకం చేశారు అభిమానులు. కొడాలి నాని పెద్ద చెకోడీ.. చిరంజీవికి కొడాలి నాని బహిరంగ క్షమాపణ చెప్పాలని డిమాండ్ చేశారు. చిరంజీవి, రంగా అభిమానుల ఓటుతో గెలిచిన కొడాలి నానికి 2024 ఎన్నికల్లో బుద్ధి చెబుతామన్నారు.

మెగాస్టార్ చిరంజీవి వాల్తేరు వీరయ్య 200 రోజుల సక్సెస్ మీట్‌‌లో ఏపీ ప్రభుత్వం టార్గెట్‌గా విమర్శలు చేశారు. ప్రత్యేక హోదా, రోడ్లు వంటి అంశాలపై ఫోకస్ పెట్టాలని సూచించారు. మెగాస్టార్ వ్యాఖ్యలకు మాజీ మంత్రి కొడాలి నాని కౌంటరిచ్చారు. సినిమా ఇండస్ట్రీలొ కొందరు పకోడీగాళ్లు అంటూ ఘాటు వ్యాఖ్యలు చేశారు. దీంతో మెగా ఫ్యాన్స్ మండిపడుతున్నారు. కొడాలి నాని క్షమాపణలు చెప్పాలని డిమాండ్ చేస్తున్నారు.

Related posts

వైయస్ షర్మిల గారి అక్రమ అరెస్టును నిరసిస్తూ రాష్ట్ర వ్యాప్తంగా ధర్నాలు

HJNEWS

గోస్పాడు మండలంలో 5 కోట్ల 15 లక్షల అభివృద్ధి పనులు ప్రారంభం… ఎమ్మెల్యే శిల్ప రవి రెడ్డి

HJNEWS

ధరణి పోర్టల్‌లో కీలక మార్పులు..!

HJNEWS

Leave a Comment

హోమ్
ఆంధ్రప్రదేశ్
లోకల్ యాడ్స్
యాడ్ పోస్ట్